嫁錯老公
八婆珍行徑街市阿聾婆個檔口。
聾婆聲大大問八婆珍：八婆珍，今日有乜幫襯阿。
八婆珍答：都係嫁錯老公，生錯傻仔囖！
聾婆話：原來八婆珍你咁命苦噶！
八破珍大聲話：亞聾婆！！乜食芥菜，老薑，生菜，薯仔會好苦嘅咩？
聾婆：哈！哈！哈！唔好意思，我撞聾……
爆笑字幕
大力有一次回國，響酒店睇電視，電視播緊一部荷李活電影，睇到其中兩句對白嘅中文翻譯字幕
原來意思係：
女演員：Are you kidding?（你不是開玩笑嗎？）
男演員：No,I’m serious.（不！我是認真的。）
中文翻譯字幕：
女演員：你是傑丁？
男演員：不，我是斯維爾。
搞分裂
一位大陸人民排骨獲准來台探親
喺服務良好嘅華航客機上邊，佢感覺口干，就對空中小姐講：小姐，可唔可以畀杯茶水我？
空中小姐(面帶微笑)：先生，你係要茶定係要水阿？
排骨話：茶水就係茶水，你哋啲臺灣人就係中意搞分裂！！
空中小姐：……
誰放屁
喺自習課上，八婆珍放咗一個屁，全班都議論紛紛想揾去真兇。
八婆珍就好快問同位嘅大力：和平-戰爭-同埋發現嘅英文點樣翻譯？
大力得意又大聲咁講：peace（屁）-war（我）-found（放）
走私客
喺羅湖海關，大力日日用紅白藍袋將沙由香港運去深圳，晚黑再將沙運返香港。哩種怪異嘅舉動做成海關嘅注意，海關斷定佢係走私，但係無論如何咁調查，跟蹤，搜身，都無發現，持續咗3個月都查唔出黎……
最後海關嘅工作人員對大力講：只要你肯招供，我哋就既往不究！
大力就話：…我…我我…我走私紅白藍袋.
擦錯鞋
大力喺文革時期為咗討好共產黨於是將佢三個仔改成：李愛國-李愛民-李愛黨
大力心諗擦鞋有好處。結果識得而反，大力畀人拉咗去坐監，仲畀人打成右派
原因係：佢3個仔個名起黎就係-李愛國民黨
生蠔
病人八婆珍同醫生講：哎呀！我去香港自由行個陣買咗啲生蠔黎食，不過食完覺唔多妥。
嗰啲生蠔新唔新鮮駕？醫生大力一邊噤住八婆珍個肚一邊問。
八婆珍:我都唔知呀！我以前都無食過嘅！！
醫生大力：咁你開咗個生蠔殻嗰陣咁肉乜色架？
八婆珍：吓！！乜要開殻食架？
文明大國
幹部排骨啱啱喺美國公幹完，喺會議上大發議論。
排骨：美國人真係好叻，樣樣都優勝過我哋。
大力：何必長他人志氣，滅自己威風呀！？
排骨：我都係以事論事啫！
大力：你有咩證據呢？？
排骨：淨係睇佢哋啲細路就知喇！
細細個3，4嵗都已經講英文，仲講到鬼死咁流利，呢樣就比唔上人哋喇！！
聲東擊西
八婆珍揾減肥醫生大力求救！
八婆珍：醫生唔該幫我諗諗辦法，我要減肥！                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                              
醫生：可以但係我要幫你檢查下你嘅體質狀況係點！然後再決定點樣幫你減肥
經過詳細嘅檢查後……
醫生對八婆珍講：我建議你唔駛減肥，我檢查都你得咗肝癌，最多剩番2個月命……你鐘意食乜就食乜喇！好好地過埋呢兩個月！
八婆珍知道後謝哂！
過咗兩個月……
比兩個月前更加謝嘅八婆珍再去揾減肥醫生大力
醫生，點解過咗兩個月，我都無死到，仲乜事都無？八婆珍問。
醫生：嗯，但係你睇下，你宜家瘦咗好多呀！
恭喜你減肥成功！
一早話你知，我唔係浪得虛名！！
怪病
一日醫生同大力講你睇開啲喇！
大力問：我到底得咗乜病呀？
醫生：鬥雞眼
骨折
大力黎到診所求診
醫生問佢：你邊到唔舒服阿呀？
大力用手指比劃：醫生，我好唔掂呀，周身痛！！
我碰下頭又痛，碰肚又痛，碰下個鼻同埋個咀都痛！我到底得咗咩嘢怪病？
醫生答：唔駛擔心，係你用黎手指指個只食指骨折啫！
賽跑
一日，大力發現排骨買咗只新手錶，就問：喂！排骨！只手錶唔錯！喺邊買家？
排骨答：唔係買嘅！係獎品黎嘅！
大力問：乜獎品黎家？
排骨：係賽跑，我哋三個人跑，我跑第一。
大力：其餘兩個人係邊個阿？
排骨：咪係個差佬同埋跌咗錶嘅茂利囖！！
同人唔同命
大力：八婆珍，你話我點樣教女仔游水呀？
八婆珍:為咗顯露你嘅細心，首先，要將你嘅左手輕輕攬住佢條腰，再拉住佢只右手，然後不停叫佢放鬆，語氣要誠懇帶一啲不經意嘅愛意。
大力：教我細妹唔駛咁溫柔呀。
八婆珍：車~~早講喇！細妹嘅話，咪去到池邊一手推佢落水囖！！唔死得嘅好快學識駕喇！
人名笑話
差人：差人咪郁！查身份證！！叫乜名？
路人：費密（秘密）
差人：差人做嘢呀！！咪玩喇！！
路人：都話費密（秘密）囖!!
差人：仲玩？！阻差辦公呀？拎身份證黎~！
路人乖乖將身份證畀差人睇
差人：哦！！原來係費密（廢物）……
路人：唔係阿！係費密（秘密）啊!!
差人話：費密（廢物）就費密（廢物）啦……秘乜鬼密呀……神神秘祕咁……係就係核突啲!           注意：費字做姓氏讀秘音！
交換
大力和排骨喺酒吧飲酒。
佢哋各自叫咗一杯酒，並扯騾出衫袋騾出三文治食。
待應生同佢哋講：對唔住，兩位先生，依度係唔可以食自己帶黎嘅食物！
大力，排骨：真係麻鬼煩！
於是，大力同埋排骨騾自己嘅三文治交換咗。
實死無生
大力到咗森林深處探險，突然發現自己被一大班食人族圍住，心諗:Oh my God!今次真係實死無生喇！！
天空突然出現一條光柱，有一把聲音同大力講：未必實死無生，快啲執起你面前地下舊大石，出盡全身力氣砸死你面前個食人族嘅族長！
於是，佢真係砸鬼死咗個食人族族長。
其他族人，每個都凶神惡殺嘅樣望住大力。
天空個把聲音同佢講：嗱！！你今次就真係實死無生喇！
天堂
喺天堂，大力撞到排骨。
大力：咦？你點死架？排骨！
我係凍死嘅！排骨打住冷震講。你都唔知凍死嘅滋味，真係好恐怖！首先凍到頭暈暈，跟住連手指都覺得好凍，凍到咁上下，你就好想訓覺……跟住就唔會再醒！
大力：咁慘呀？我係心臟病死嘅！
係？
我懷疑我老婆勾佬好耐，於是有一日，我就扮返工諗住睇下邊個係奸夫拉！點知響屋企點揾都諗唔到，厠所又揾過，床下底又揾過，連衣櫃都揾過！揾揾下,一時嬲得滞就心臟病發死鬼咗剌！
唉……如果你入廚房揾下個雪櫃，咁我哋兩個都唔駛死喇！！！
電話
大力：喂排骨，你記唔記得八婆珍個電話阿？
排骨：記得啊！！
大力：你話畀我聽佢個電話係幾多？
排骨：應該係黑色嘅,諾記隻N95摺機，肯定係摺機嘅喇！！信我喇！！
大力：…………我要佢電話號碼阿~~唔係型號阿~~
好彩睇到
排骨一早就去揾律師:律師阿律師，如果有人鬧我係河馬可唔可以告佢啞？
律師：佢幾時鬧過你？
大約幾年前喇！！
有啲咁嘅事？咁點解你唔早啲去告佢呢？？
講起就真係嬲阿！！好彩尋日八婆珍帶我去迪士尼，係坐船過陣，我先知道，原來河馬係咁樣衰嘅！！
潮嘅代價
大力鍾以反轉衫啄，因爲佢覺得咁樣夠嗮潮！
一日佢酒後駕駛，發生交通意外，部車反咗，大力喺馬路邊昏迷緊。
警員排骨和小強趕到現場，排骨：哇，好嚴重嘅車禍阿！
小強：係呀，連頭都撞到反轉咗去後面。
排骨：嗯，仲有呼吸，我哋快啲幫佢個頭調反轉過黎前面！
小強：好…用力……1，2，3，好拉!個頭轉反啱位喇！
排骨：咦？點解無咗呼吸嘅？？
歌迷
幾個二三流嘅歌星響酒吧吹水認叻。
歌星大力：你哋知唔知我幾叻呀！歌迷送畀我嘅花可以開花店啊~
歌星排骨：我鐘叻喇！啲歌迷送畀我嘅花！多都可以全香港清明唔駛買花啊！
歌星八婆珍：行開啦，我先厲害，我嘅歌迷送咗成間超市畀我啊！！你哋唔駛羡慕我，我嘅意思係-我畀個迷擲臭雞蛋，香蕉之類嘅嘢！加埋有成間超市啫！
兩個問題
有一個睇相佬，同大力講：你可唔可以問我兩個問題啊？
大力：嘩！好似好貴咁喔！
算命佬：係呀，你仲剩番一個問題可以問!
大力：喂，喂，喂！！！等等先，我係想問你可唔可以平啲阿！！？
算命佬：唔得！多謝一千蚊，下一位啞……
死晒啦
兩個獵人大力同埋排哥喺森林打獵，中途大力暈咗
排骨就拎部手機去黎打咗999。
我個Fan死咗
我宜家應該點算阿？
差佬話：放鬆啲，我可以幫到你。但係你首先必須確定你個Fan真係死咗。
一陣沉默後……個差佬響電話聽一下槍聲。
排骨就重新拎起電話講：得拉，肯定死晒啦，咁跟住點呢？
惡人先告狀
房客排骨：房東！樓上條粉腸好乞人僧，佢哋尋晚，無停過係咁響個地板又敲又跺腳，一路攪到半夜，邊有人咁無公德心駕？
房東大力：唔好意思，咁咪搞到你成晚無覺好訓？
咁又無！排骨講：好彩我成晚係度吹喇叭，都無訓到覺！！
香港人生十金句
一代鈡神，夠种就走人。
兩成當發生，五成當係真。
三五成群，邊有好人。
庸脂俗粉，唔方穩陣。
樹大易招風，胸大多人碰。
天生庸材亦有用，捱你唔死一世窮。
公家不如大家，大家不如私家。
八得就唔好嘥,是非可以當人情賣。
大數變小數，小數當無數。
凡事皆因強出頭，閃埋一邊樂悠悠。
2046香港警察
圍捕現場
警員：娃哈哈酸乳酪提提你：你已經被包圍拉！快啲放底你嘅武器！！
警員: 你已經被包圍拉，我限你一分鐘内出黎投降，時間到數係由太子鐘錶提供！
抄牌
警員：先生…熄匙…車牌…身份證，大家樂為你做足一百分！
追捕疑犯
警員：我係警察！咪走！米酒梗係揀 珠江橋牌 米酒啦！
同齡
一位亞伯大力去揾醫生排骨話佢左腳好痛！！
醫生排骨：呢個大概同你嘅年紀有關係！
病人大力：無可能，我隻左腳同右腳咪一樣咁老。
咁點解左腳痛右腳唔痛亞？
你唔好點我呀！！！！
香港無聊口頭禪
當夏枯草煲到干水時—（當四葉草碰上劍尖時）
王蝦米—（王家偉）
屈人寺—（屈臣氏）
大頭佛—（連卡佛）
一到新年食冬菇—（一丈成功萬骨枯）
窮冬瓜，富冬瓜—（窮爸爸，富爸爸）
盜版者博拉—（盜墓者羅拉）
廿二世紀拆人兩鑊—（廿二世紀殺人網絡）
向左嘔，向右嘔—（向左走，向右走）
姨媽傢私—(宜家傢私)
動心口服液—（靜心口服液）
出得黎行，預咗吐痰—（出得黎行，預咗要還）
女子十二點前唔落妝—（女子十二樂坊）
都市無情—(都市閑情)
低能
小力:爸爸，乜叫點解阿？
大力：低能就係—
低B，弱智，唔夠聰明，白癡，傻瓜，無出息
囖！做乜咁問？
小力：無！因爲阿媽成日咁樣話你。
知情不報
大力：我老婆唔見咗張信用卡呀！
排骨：咁你仲唔通知銀行？
大力：咁又唔駛，個賊洗錢仲比我老婆少，以個月唔悭番幾多錢！！
死曱甴
大力響酒店發現自己間房有隻死曱甴。
就打電話去揾經理。
經理：先生，請你冷靜啲先。隻死曱甴都死咗拉。
經理：對你無乜困憂？
大力: 隻死曱甴死咗就無乜也，但係隻死曱甴啲親朋慼友黎晒參加佢嘅葬禮呢！！排晒成條龍啊！！！

正野一健

夕晴高贵 

武浅静 

川口督史　
边渡友次子 　

小卷次子 

谷川富郎 

友舞久菜  
佑友伸纪 

明日佑秋水  

原本琴日香 　

池早香  
池佐岛野香

淮山杞子 

真琴二秀 

野秀莹景　
樱名神武

森山野仁 　

山上耕田　

山下种竖  
龙夫武耕田 

秀田武仁耕

真武良森

吉川春代

根本英俊

 

牙疼，萝卜烂在地里，女友怀孕三者有何联系？
一考生答：都是虫子惹的祸。
导师赞约：你可读研。
另一生答:拔晚了。
师大喜，汝可读博。

一个打扮入时的女子深夜漫步郑州街头,一巡警问道:"干什么的?"女答:"妓者"巡警肃然起敬,温和的问道:"请问哪家报社的?"妓女羞答道:"晚报的"。“哪家晚报？”妓女羞答道:"和男晚抱"“哦！辛苦了！现在还在街上捕捉新闻题材，你们河南晚报的宗旨是什么呢？”“欢迎来搞，长短不限…

1. 小明自己做暑期作業，第二日，佢死左，點解？
 Ans：因為自作業，不可活

 2. 麥兜自己沖涼，估一近代文學作家名
 Ans：朱自清

 3. 話說有間名牌鋪頭一折大減價，有個女人走左入去掃貨，但佢買完出黎之後就死左佢究竟點死？
 Ans：抵死

 4. 鍵盤入面邊個掣最靚仔？
 Ans：F4

 5. 咩毛最普通？
 Ans：Normal

 6. 隆胸兩邊隆哂要一萬，但隆一邊只需三千，估一四字成語
 Ans：一波三折

 7. 拉乜野可以學到野？
 Ans：Library

 8. 英文有廿六個英文字母，當E同T走左之後，會剩低幾多個英文字母？
 Ans：21 個，因為ET搭UFO走左

 9. 大口仔搽紅唇膏，估一英文生字
 Ans：Direction（大red唇）

 10.六減二幾時等於零？
 Ans：做六gei手勢果時

 11.恭喜發財，估一國家名
 Ans：比利時（比利是）

 12.點解呢個世界上有東京、南京、北京但無西京？
 Ans：因為西經比唐三藏拎左

 13.阿明同阿珊去打劫銀行，但事敗逃亡但d警察追捕果時唔追阿明，淨係死追阿珊,點解呢
 Ans：因為喜瑪拉雅山（起碼拉阿珊）

 14.如何用三盞燈同一張凳營造一個緊張氣氛？
 Ans：燈燈燈凳

 15.花識什麽運動?
 Ans:溜冰(花式溜冰)

 16.鷹識什麽運動?
 Ans:桌球(鷹式桌球)

 17.檸檬為什麽這么怕柑呢?
 Ans:因為"柑桔檸檬"

 18.劉備,關羽,張飛,三個人去電影院看電影,後來趙雲來了但是票賣光了.為什麽最後曹操還是進去看電影了呢?
 Ans:關於張飛劉備趙雲.(關羽張飛留俾趙雲.)

 19.為什麼大家這麼討厭非洲和尚
 Ans:黑人僧(憎)

 20.香港的肥仔多數姓什麼?
 Ans:死.

 21.點解小瑪和小亞都相信小何?
 Ans:亞馬遜河(亞馬信何)

 22.蘋果汁係蘋果味，橙汁係橙味，咁益力多係咩味?
 Ans:你今日飲左味

 23.鸡鹅鸭去饮汽水，买左三只，但系唔够分，点解呢？
 Ans:婀娜多姿(鹅啰多支)

 24. 小明過馬路,明明綠燈,點解最後比車撞死左?
 Ans:因為明明綠燈轉眼變成紅燈.(鄭融-紅綠燈)

 25. 廣東出東瓜,廣南出南瓜,廣西出西瓜,咁廣北出咩?
 Ans:講不出聲

 26. 咖啡杯同玻璃杯玩踩鋼線,點解咖啡杯會跌左落黎?
 Ans:因為咖啡杯都企不穩

 27.冬甩既爸爸係邊個?
 Ans:多啦A夢...聽日文版既多啦A夢主題曲(哩個我唔知哦.- -)

 28.柴,米,油,鹽 有邊樣野唔係八十年代?
 Ans:油...由不是八十年代

 29. 如果獅子黎到要走快四步,老虎黎到要走快三步,咁乜野黎到要走快兩步?
 Ans:財神......(林子祥的.自己去聽.)

 30. 足球姓足,排球姓排,藍球姓藍,柔道姓咩?
 Ans:柔道姓"誕"...因為.....又到聖誕~~又到聖誕~~

 31. 猿猴、廢紙、鉛筆，用什麼東西可以把這三樣東西連起來？
 Ans:原子筆. (猿紙筆)

 32. 毛澤東求雨(猜一種運動)
 Ans: 羽毛球,(雨毛求)

 33.應該對蟹柳說什麽?
 Ans:你唔好扮曬蟹啊~